OpenAI şirkəti keçən ay Sora adlı neyron şəbəkəsini təqdim etdi. Bu neyron şəbəkə mətn formatında təsvirlər əsasında realistik videoların tərtibatı üçün nəzərdə tutulub. Sora-dan hal-hazırda yalnız rəssamlar, dizaynerlər və film sahəsində çalışan mütəxəssislər istifadə edə bilərlər. Lakin OpenAI şirkətinin texniki direktoru olan Mira Murati bildirib ki, Sora bu il ərzində bütün istifadəçilərin ixtiyarına veriləcək. Bununla yanaşı Murati qeyd edib ki, Sora-ya həmçinin səslərin tərtibatı özəlliyi də əlavə ediləcək.

     

Bu isə tərtib ediləcək videoların daha təbii görünmələrinə yardımçı olacaq. Hal-hazırda OpenAI şirkəti Sora tərəfindən tərtib edilən videoların redaktə edilməsi mümkünlüyü üzərində çalışır. Belə ki, bu neyron şəbəkə heç də həmişə obyektləri dəqiq şəkildə tərtib edə bilmir. Generativ süni zəkanın istifadəsi ilə dezinformasiyaların yaradılması imkanı cəmiyyətdə böyük narahatlıqlara səbəb olduğu üçün Murati əlavə edib ki, Sora ictimai xadimlərin videolarda tərtibatını reallaşdırmayacaq.