“Google” məşhur xidmətinin bağlanacağını elan etdi
01.04.2024 / Maraqlı məlumatlar
“Google” gələn həftə ABŞ-də “Google Podcasts”ı bağlayacaq.
Servis bağlandıqdan sonra podkastları “YouTube Music”də dinləmək mümkün olacaq.
“Google” hazırda ABŞ-dəki istifadəçilərinə aprelin 2-dən etibarən “Google Podcasts”dan istifadə edə bilməyəcəkləri barədə bildirişlər göndərir.
Qeyd edək ki, “Google Podcasts” striminq xidməti altı il əvvəl istifadəyə verilib. Xidmət istifadəçilərinə nəinki podkastların geniş seçimini təmin edib, həm də onları daha sonra “oflayn” rejimdə dinləmək üçün öz cihazlarına yükləməyə imkan verirdi.
“Google”, “Google Podcasts”ı dayandırmaq və “YouTube”a keçmək qərarının istifadəçi davranışı və seçimlərinə uyğun olduğunu bildirib.
