ABŞ-ın Stanford universitetinin professoru Raif Rüstəmovun seminarı keçirildi
02.06.2014 / Xəbərlər2 iyun 2014 –cü ildə ABŞ-ın Stanford universitetinin professoru, həmyerlimiz Raif Rüstəmovun "Həndəsi verilənlərin analizi" mövzusunda AMEA İdarəetmə Sistemləri institutunda seminarı keçirildi.
İnstitutun direktoru T.Əliyev və R.Rüstəmov gələcəkdə İdarəetmə Sistemləri İnstitutu və ABŞ-ın Stanford Universiteti arasında əlaqələrin yaradılması və elmi layihələrdə birgə iştirak üçün müxtəlif məsələləri müzakirələr etdilər.
Seminarı ilk olaraq İdarəetmə Sistemləri İnstitutunun Gənc Alim və Mütəxssislər şurasının sədri Samir Rüstəmov açdı. O, Raif Rüstəmovu və onun əldə etdiyi nəaliyyətləri seminar iştirakçılarına təqdim etdi. Çıxış üçün söz verilən Raif müəllim öz vətənində belə bir seminarda çıxış etməsindən məmnunluq duyduğunu bildirdi və mövzusu haqqında iştirakçılara geniş məlumat verdi. 3 ölçülü obyektlərin xassələrinin riyazi alqoritmlər vasitəsilə öyrənilməsi seminar iştirakçıları arasında ciddi maraq doğurdu. Bu baxımdan Knyaz Məmmədov, Camal Həsənov, Ələkbər Axundov, Gülçin Abdullayeva və s. mövzu barəsində müəlliflə fikir mübadiləsi apardılar. Sonda, İnstitutun direktor müavini Oktay Nüsrətov Raif müəllimə institut adından təşəkkürünü bildirdi və ona gələcək işlərində uğurlar arzuladı.
Raif Rüstəmov ilk təhsilini Bakının Fizika riyaziyyat və İnformatika Təmallü liseyində almışdır. O, 1995-1996-cı illərdə Azərbaycanın şərəfini beynəlxalq riyaziyyat olimpiadalrında qorumuşdur. Belə ki, həmin illərdə, Beynəlxalq riyaziyyat olimpiadasının gümüş, Yuneskonun qızıl medallarına layiq görülmüşdür. Hal-hazırda Stanford Universitetinin Kompyuter Elmləri fakultəsində Həndəsi hesablamalar laboratoriyasında işləyir. O 2005-ci ildə PhD dərəcəsini Prinseton Universitetində almışdır. Müxtəlif illərdə Purdu və Drev universitetlərində işləmişdir. Onun bir çox məqalələri reytinqli SGP,MLİNİ, SİGGRAPH konfranslarında ən yaxşı məqalə mükafatını qazanmışdır.