Meta şirkətinin CEO-su Mark Zuckerberg bildirib ki, şirkət cihazları beyin siqnalları vasitəsilə idarə etməyə imkan verəcək texnologiya üzərində çalışır və bu layihədə bir xeyli irəliləyib. Məlumata əsasən Elon Musk-ın Neuralink şirkətinin beyin çiplərindən fərqli olaraq Meta-nın texnologiyasını tibbi əməliyyat vasitəsilə beyinə implantasiya etmək lazım gəlməyəcək. Zuckerberg bildirib ki, söhbət, smart qolbaqdan gedir.

     

Zuckerberg-in sözlərinə əsasən şirkətin hazırladığı smart qolbaq beyindən ələ ötürülən neyron siqnallarının interpretasiyası və həmin siqnalların cihaz üçün nəzərdə tutulmuş əmrlərə çevrilməsi yolunda elektromioqrafiyadan istifadə edəcək. Zuckerberg bildirib ki, bu texnologiya böyük potensiala sahibdir və şirkət hələ onun ilkin hazırlanma mərhələsindədir. Daha öncə isə Zuckerberg bildirmişdi ki, futuristik neyron cihaz yaxın bir neçə il ərzində istehlakçı məhsuluna çevrilə bilər.