Neuralink öz beyin çipini ikinci pasientə implantasiya etməyə hazırlaşır
22.05.2024 / Maraqlı məlumatlar
Elon Musk-a məxsus olan Neuralink şirkəti bir neçə müddət bundan öncə öz beyin çipini ilk klinik testlər çərçivəsində iflic şəxsin beyninə implantasiya etmişdi. İndi isə məlum olub ki, ABŞ-ın Qida və Dərman Keyfiyyətinə Nəzarət İdarəetməsi şirkətə beyin çipinin ikinci pasientə implantasiya icazəsini təqdim edib. Qeyd etmək lazımdır ki, Neuralink-in beyin çipini bir neçə müddət bundan öncə əldə etmiş ilk pasientdə çipin çalışması ilə bağlı bəzi problemlər ortaya çıxdı.
Belə ki, pasientin beyin qabığına yerləşdirilmiş çipin çalışmasında gecikmələr olurdu. Buna səbəb isə çip elektrodlarının yerdəyişməsi olub. Lakin Neuralink bu problemin aradan qaldırılması həllini tapandan sonra beyin çipinin ikinci pasientə implantasiya icazəsini əldə edib. Şirkət qeyd edilmiş problemin bir daha yaşanmaması üçün çip elektrodlarını beyin qabığının daha dərin hissəsinə yerləşdirməyi planlaşdırır. Məlumata əsasən Neuralink öz beyin çipini ikinci pasientə artıq gələn ay implantasiya etməyi planlaşdırır. Ümumilikdə isə şirkət bu il ərzində 10 nəfərdə bu cür əməliyyatı reallaşdırmağı hədəfləyib.
