GPT-4o-nun təqdimatından sonra ChatGPT istifadəçi kütləsi mövzusunda yeni rekorda imza atıb
24.05.2024 / Maraqlı məlumatlar
OpenAI şirkəti bir neçə müddət bundan öncə GPT-4o adlı yeni süni zəka modelini təqdim etdi. Similarweb saytının statistikasına əsasən isə GPT-4o-nun təqdimatından sonrakı 2 gün ərzində ChatGPT-nin saytına daxil olmuş istifadəçilərin ümumi sayı 100 milyondan çox olub. May ayının ilk 17 günü ərzindəki statistika əsasında hazırlanmış proqnoza əsasən ChatGPT-nin bir aylıq istifadəçi kütləsi 2 milyard insanı keçə bilər. Qeyd etmək lazımdır ki, bu mövzuda daha öncəki rekord 2023-cü ilin may ayında qeydə alınmışdı.
Belə ki, həmin vaxtda ChatGPT-nin aylıq aktiv istifadəçi kütləsi 1.8 milyard insan idi. Məlumata əsasən may ayının ilk 17 günü ərzində ChatGPT-nin ortalama günlük trafiki 17.8 milyon istifadəçi təşkil edib. Əgər bu temp olduğu kimi qalsa, may ayının yekunu üzrə ChatGPT-nin aylıq istifadəçi kütləsi 2.3 milyard insan təşkil edəcək. Hətta əgər may ayının sonunda trafik aşağı düşsə belə, istifadəçi kütləsinin 2 milyard insanı keçmə ehtimalı çox yüksəkdir. Qeyd etmək lazımdır ki, GPT-4o-nun zəka səviyyəsi GPT-4-ün zəka səviyyəsində olsa da, mətn, foto və audio ilə çalışma mövzusunda daha geniş imkanlara sahibdir.
