Elon Musk, süni intellekt üçün xüsusi superkompüter quracaq!
27.05.2024 / Maraqlı məlumatlar
xAI-nin superkompüter layihəsi ortaya çıxıb. Elon Musk, şirkətin süni intellektini dəstəkləməsi üçün investorlar axtarışındadır.
Keçən həftə keçirilən bir investor tədbirində danışan Musk, xAI-nin Grok-u öyrətmək üçün xüsusi olaraq hazırlanmış layihəsini müzakirə edib. Buna görə o, təxminən 100 min süni intellekt çipinə ehtiyac olacağını söyləyib. Bu çiplər Musk-ın “hesablamanın superfabriki” adlandırdığı layihədə bir-birinə birləşdiriləcək. NVIDIA H100 çipləri ilə yaradılan superkompüterin hazırda mövcud olan ən böyük GPU konfiqurasiyasından ən azı 4 dəfə böyük olacağı iddia edilib. Bu da, Grok-un yeni süni intellekt səviyyəsinə çatmasına imkan verəcək kimi görünür
İddiaya görə, Musk, superkompüterin 2025-ci ilin payızında istifadəyə verilməsini hədəflədəyir. O, superkompüterin təhvil verilməsinə şəxsən nəzarət edəcəyini bildirib. Buna görə də Elon Musk, xAI ilə bağlı işləri sürətləndirəcək. xAI-nin ilk süni intellekt modeli olan Grok, hazırda X Premium+ abunəliyinə sahib istifadəçilər tərəfindən sınaqdan keçirilə bilir. Hələ GPT-4 və ya Gemini 1.5 səviyyəsində olmasa da, 100 min çipli superkompüterlə daha da effektiv olacağı gözlənilir. Musk, ümumi istedad baxımından Google və OpenAI kimi liderlərdən geri qaldığını etiraf edir.
xAI, hazırda süni intellekt layihələrini maliyyələşdirmək üçün geniş maliyyələşdirmə mərhələsindədir. Musk investorlara bildirib ki, bu raund tamamlandıqda şirkəti 24 milyard dollardan çox qiymətləndirə bilər.
