İnformasiya Texnologiyaları Trendləri mövzusunda beynəlxalq konfrans keçiriləcək

31.05.2024 / Maraqlı məlumatlar

Azərbaycan Dövlət Neft və Sənaye Universitetinin təşkilatçılığı ilə 7-10 iyun 2024-cü il tarixlərində, COP29 çərçivəsində Ümummilli lider Heydər Əliyevin 101 illiyinə həsr olunmuş “İnformasiya Texnologiyaları Trendləri” mövzusunda beynəlxalq konfrans hibrid formada keçiriləcəkdir.

Konfransın məqsədi:
Avtomatlaşdırma və robot texnikasında yeniliklər;
Rəqəmsal transformasiyada idarəetmə;
Yaşıl texnologiyalar;
Bilik mühəndisliyi (Big Data, Machine Learning, Deep Learning);
Süni intellekt;
Kiber-fiziki sistemlər (loT, Blockchain, Cloud);
Kiber təhlükəsizlik;
Rəqəmsal dövrdə sağlamlıq sahəsində problemlərin və sosial-psixoloji aspektlərin araşdırılmasından ibarətdir.

Tədbir geniş ictimaiyyətə problemlərin həlli yollarını müəyyənləşdirməkdə kömək edəcəkdir. Bu konfransda yerli və xarici ölkələrin tanınmış alim və mütəxəssislərinin iştirakı nəzərdə tutulur.

Sizi və rəhbərlik etdiyiniz institutun əməkdaşlarını konfransda iştiraka dəvət edirəm.

Konfrans haqqında ətraflı məlumat https://asoiu.edu.az/conference_detail linkində verilib.