Çəkdiyi fotoşəkilləri dərhal süni intellekt şəklinə çevirən kamera hazırlanıb!
11.06.2024 / Maraqlı məlumatlar
Bir Reddit istifadəçisi, real dünyada çəkilmiş fotoşəkilləri tez bir zamanda süni intellekt şəkillərinə çevirə bilən kamera hazırlayıb.
“theleastvildr” adlı bir Reddit istifadəçisi, yaxın zamanlarda paylaşdığı bir videoda çəkdiyi fotoları süni intellekt şəklinə çevirən bir kamera hazırladığını göstərib. Kamera, şəkilləri çevirmək üçün OpenAI-nin render modeli olan DALL-E-dən istifadə edir.
Öz üslubu haqqında danışan istifadəçi, fotonun uzun təsvirlərini yaradan Astica adlı API-dən istifadə etdiyini və daha sonra bu təsvirlərin DALL-E-yə ötürüldüyünü bildirib. O, bütün bunların hamısını kameraya inteqrasiya edərək bu cihazı yaratdığını deyib. Digər istifadəçilər kameranı bəyənsələr də, bəzi təkliflər edənlərdə də olub. Məsələn, bir istifadəçi Midjourney kimi mətndən təsvir hazırlayan modeldən istifadə etməyini tövsiyə edib. Bildirilib ki, bu yolla daha real nəticələr əldə etmək olar. Yenə də deyə bilərik ki, hətta onun indiki vəziyyəti də kifayət qədər təsir edicidir.
