Google, dark web izləmə funksiyasını ödənişsiz edir!
16.07.2024 / Xəbərlər
Google, dark web monitorinq xidmətinin bu aydan etibarən Google hesabı olan hər kəs üçün ödənişsiz olacağını açıqlayıb. Əlavə təhlükəsizlik funksiyası üçün artıq "Google One" abunəliyi tələb olunmayacaq
Dark Web, ənənəvi axtarış sistemləri ilə giriş edilməsi çətin olan şifrələnmiş onlayn şəbəkələri ifadə edir. Bu şəbəkələr, ümumiyyətlə qeyri-qanuni fəaliyyətlər üçün istifadə olunur. Dark Web monitorinqi, sizə adınız, ünvanınız, e-poçt ünvanınız və telefon nömrəniz kimi şəxsi məlumatlarınızın internetin bu gizli künclərində olub-olmadığını öyrənməyə kömək edir. Uyğunluq aşkar edilərsə, Google sizi xəbərdarlıq edərək parolunuzu dəyişdirmək və ya oğurlanmış kredit kartınızı banka bildirmək kimi addımları təklif edir.
Google-un sözlərinə görə, dark web hesabatı istifadəçilərə onlayn mövcudluğunu qorumaq üçün "Sizinlə əlaqəli nəticələr" funksiyası ilə inteqrasiya olunub. Dark web hesabatı, istifadəçinin adı, ünvanı, telefon nömrəsi, e-poçt ünvanı kimi şəxsi məlumatların dark web-də aşkar edilmiş məlumat pozuntuları arasında olub-olmamasına nəzarət etməyə kömək edən bir xüsusiyyətdir. Sizinlə əlaqəli nəticələr funksiyası istifadəçilərə şəxsi əlaqə məlumatlarını ehtiva edən nəticələri tapmaq və axtarış nəticələrindən silmək imkanını verir.
