Windows 11-də kompüterin enerji təchizatı ilə bağlı yeni ayarlar istifadəyə veriləcək
23.08.2024 / Maraqlı məlumatlar
Windows 11-in yeni test versiyasında maraqlı özəllik ortaya çıxıb. Söhbət, kompüterin elektrik təchizatı ilə bağlı ayarlardan gedir. Ortaya çıxmış bu ayarlar kompüterin müxtəlif çalışma ssenariləri çərçivəsində performans ilə enerji sərfiyyatı arasındakı tarazlığın təmin olunmasına istiqamətləniblər. Windows 11-in yeni test versiyasındakı ayarlarında olan Power & battery bölməsində cihazın müxtəlif vəziyyətləri üçün nəzərdə tutulmuş lazımi enerji təchizatı planlarının seçim bəndlərini görmək olar. Məsələn bu və ya digər noutbuk elektrik enerjisi mənbəyinə qoşulu olduğu halda yaxşı performans rejimində, öz enerjisini batareyadan əldə etdiyi halda isə yaxşı enerji effektivliyi rejimində çalışa bilər. Windows 11 üçün nəzərdə tutulmuş bu yenilik hələ test mərhələsindədir.
