İdarəetmə Sistemləri İnstitutunda fəlsəfə doktoru hazırlığı üzrə doktoranturaya qəbul imtahanları keçirilmişdir

13.09.2024 / Mühüm xəbərlər

 9, 10 və 11 sentyabr 2024-cü il tarixlərində AR Elm və Təhsil Nazirliyi İdarəetmə Sistemləri İnstitutunda (İSİ) fəlsəfə doktoru hazırlığı üzrə doktoranturaya ixtisas fənləri üzrə qəbul imtahanları keçirilmişdir.

İmtahanların keçirilməsi məqsədilə İSİ-nin baş direktorunun əmrinə əsasən müvafiq ixtisaslar üzrə qəbul komissiyaları yaradılmışdır. AMEA-nın müxbir üzvü Qorxmaz İmanovun, texnika elmləri doktorları Elxan Səbziyevin və Nailə Musayevanın sədrliyi ilə keçirilən imtahanlarda 1203.01 – “Kompüter elmləri” ixtisası üzrə 2 nəfər, 3338.01 – “Sistemli analiz, idarəetmə və informasiyanın işlənməsi” ixtisası üzrə 5 nəfər və 5302.01 – “Ekonometriya; iqtisadi statistika” ixtisası üzrə 1 nəfər olmaqla ümumilikdə 8 iddiaçı iştirak etmişdir.

Bütün iddiaçıların nəticələri məqbul qiymətləndirilmişdir. İmtahanlar uğurla başa çatmışdır.