İdarəetmə Sistemləri İnstitutu və Bolqarıstanın Angel Kanchev adına Ruse Universitetinin birgə layihəsi Erasmus+ qrantına layiq görülüb

16.09.2024 / Xarici əlaqələr və Əməkdaşlıq

AR Elm və Təhsil Nazirliyi İdarəetmə Sistemləri İnstitutu (İSİ) və Bolqarıstanın Ruse Angel Kanchev Universiteti tərəfindən 2024-cü ilin fevral ayında Avropa Komissiyasının Erasmus+ tələbə mübadilə proqramına  təqdim edilmiş ERASMUS+ (Action KA131) proqramının “Ali təhsil tələbələri və işçi heyəti üçün mobillik” layihəsi qalib layihələrin siyahısına daxil edilib. Layihənin koordinatoru İSİ-nin Beynəlxalq əlaqələr və innovasiya şöbəsinin müdiri, t.ü.f.d. Tofiq Babayevdir.

Qeyd edək ki, 2024-2026-cı illəri əhatə edəcək layihənin şərtlərinə əsasən, sözügedən ölkələr arasında tədris, təhsil və ya təcrübə mübadiləsi həyata keçiriləcək.