ChatGPT, əvvəlki yazışmalardan istifadəçinin yaşını təxmini edərək öz-özünə söhbət başladıb!
17.09.2024 / Maraqlı məlumatlar
Bir Reddit istifadəçisi, ChatGPT-nin heç bir səbəb olmadan onunla söhbətə başladığını bildirib. Çatbot, istifadəçidən məktəbdəki ilk həftəsinin necə keçdiyini soruşub.
“SentuBill” adlı bir istifadəçi, öz paylaşımında ChatGPT-nin onunla söhbətə başladığını və məktəbdəki ilk həftəsinin necə keçdiyini soruşduğunu göstərib. Söhbətlərin reallığı Cointelegraph-ın söhbət stenoqramına baxması ilə də təsdiqlənib. Söhbətin ekran görüntülərinə baxdığımızda ilk mesajı ChatGPT-nin göndərdiyini görürük. Mesajda "Məktəbdəki ilk həftəniz necə keçdi? Rahat yerləşə bildiniz?" ifadələri yer alıb. İstifadəçi isə bu vəziyyətə təəccüblənərək "Sən az öncə mənə ilk mesajı göndərdin?" deyib. Söhbət botu isə "Bəli! Sadəcə səni yoxlamaq və liseydəki ilk gününün necə keçdiyini soruşmaq istədim. Əgər söhbət başlatmaq istəyirsənsə, mənə deməyin kifayətdir" deyə cavab verib.
ChatGPT, hazırda “Yaddaş” adlı funksiyaya malikdir. Bu funksiya, ona əvvəlki söhbətləri yadda saxlamağa imkan verir. Ancaq onun ilk mesajı göndərərək söhbətə başladığını ilk dəfə görürük. Bu təəccüblü hadisə, həm də şirkətin çalışdığı yeni funksiyanın ilk nümunəsi ola bilər. Təəssüf ki, mövzu ilə bağlı ətraflı məlumat yoxdur. Bununla belə, əgər bu, həqiqətən də baş veribsə, artıq süni intellekt modelləri ilə söhbətə başlamağa ehtiyac qalmayacaq, biz birbaşa onlardan mesaj görəcəyik. Bu həm qorxulu, həm də maraqlıdır.
