İnformasiya və kommunikasiya texnologiyalarının tətbiqi üzrə 18-ci IEEE beynəlxalq konfransı işə başlayıb
25.09.2024 / Maraqlı məlumatlar
Sentyabrın 25-də İtaliyanın Turin şəhərində İnformasiya və kommunikasiya texnologiyalarının tətbiqi üzrə 18-ci IEEE beynəlxalq konfransı (AICT 2024) işə başlayıb.
Üç gün davam edəcək konfrans ADA Universiteti, ABŞ-ın Corc Vaşinqton Universiteti , İtaliyanın Turin Politexnik Universitetinin birgə təşkilatçılığı ilə keçirilir. Konfransda İnformasiya Texnologiyaları İnstitutunun əməkdaşları da məruzələrlə çıxış edəcəklər.
Konfrans “Data Science”, “Big Data” mühəndisliyi, maşın təlimi və digər süni intellekt metodları, proqram mühəndisliyi, kibertəhlükəsizlik, kommunikasiya, şəbəkə və avadanlıq, siqnalların emalı, biznes, idarəetmə və iqtisadiyyatda İKT, elm və təhsildə İKT, tibb və səhiyyədə İKT və digər mövzuları əhatə edir.
Tədbirin keçirilməsində əsas məqsəd dünyanın müxtəlif ölkələrindən olan, ümumi maraq və problemlər ətrafında birləşən alim və mütəxəssisləri bir araya gətirməkdir.
