Mühəndislər çətin vəziyyətlərdə öz hissələrini kəsə bilən robot hazırlayıblar!

+A -A

Mühəndislər çətin vəziyyətlərdə öz hissələrini kəsə bilən robot hazırlayıblar!

21.10.2024 / Maraqlı məlumatlar

Connecticut-da çalışan mühəndislər, lazım gəldikdə öz hissələrini kəsə bilən robot istehsal edə biliblər.
Əl böyüklüyündə və yumşaq bir quruluşa malik olan bu robot, elastik silikondan hazırlanıb. Robot, tədqiqatçıların ənənəvi metodların hüdudlarını aşaraq problemlərə yeni həllər tapmaq səylərinin bir nəticəsi kimi qarşımıza çıxır. Robotun çətin vəziyyətlərdən xilas olmaq üçün hissələrini kəsə bilməsi xüsusi hazırlanmış oynaqlar sayəsində mümkün olur. Bu oynaqlar, normal halda elastik bir formaya malikdir və otaq temperaturunda bərk qalır. Ancaq istilik verildikdə, oynaq strukturu maye halına keçərək həmin hissənin ayrılmasına imkan verir. Beləliklə, robot ehtiyac olduqda özünü təhlükəli vəziyyətlərdən qoruya bilir.

Maraqlısı isə odur ki, bu forma dəyişdirən robotlar, yalnız hissələrini kəsməklə kifayətlənmir, həm də bir neçə robotun birləşməsinə şərait yaradır. Məsələn, 3 robot birləşərək təkbaşına keçə bilməyəcəkləri bir maneəni aşa bilirlər. Bu isə robototexnika sahəsində inqilabi yeniliklərə qapı açır.

Bu robot kimi yumşaq quruluşlu robotlar, sərt materiallardan hazırlanan ənənəvi robotlardan fərqli olaraq, ətraf mühitə dost materiallardan hazırlana bilir. Beləliklə, robotun kəsilən hissələri təbiətdə təhlükəsiz şəkildə parçalanaraq ətraf mühitə ziyan vurmadan yox ola bilir. Robotun istehsalında istifadə edilən texnologiya hələ başlanğıc mərhələsində olsa da, gələcəkdə ətraf mühitin dayanıqlılığı baxımından böyük potensiala malikdir.

technote.az