İdarəetmə Sistemləri İnstitunun elmi katibi Zəhra Əzizovanın 75 yaşı tamam olur

04.11.2024 / Mühüm xəbərlər

4 noyabr 2024-cü il tarixində İdarəetmə Sistemləri İnstitunun elmi katibi Zəhra Əzizovanın 75 yaşı tamam olur.

Əzizova Zəhra Ələkbər qızı 1949-cu ildə Bakı şəhərində anadan olub. 1957-1967-ci illərdə 150 №-li orta məktəbdə təhsil aldıqan sonra 1969-cu ildə Bakı Dövlət Universitetinin filologiya fakültəsinə qəbul olub. 1975-ci ildə həmin ali təhsil müəssisəsini uğurla başa vurub.

Z.Əzizova 1970-1972-ci illərdə Yasamal rayonunun Komsomol Mərkəzi komitəsində çalışıb. 1988-ci ildə Azərbaycan KP MK yanında İnformatika Xalq Universitetinin  “Elmi texniki informasiya və təbliğat” fakültəsini bitirib. 

1975-ci ildən Kibernetika institutunda (indiki İdarəetmə Sistemləri İnstitutu) laborant, böyük laborant, mühəndis, aspirantura şöbəsinin müdiri vəzifələrində işləyib. 1998-ci il tarixindən etibarən isə institutun elmi katibi vəzifəsində çalışır.

Z.Əzizova, həmçinin uzun illərdir institutun həmkarlar təşkilatına sədrlik edərək əməkdaşların rifah halının yaxşılaşdırılması, mədəni-kütləvi tədbirlərdə iştirakı və asudə vaxtın səmərəli keçirilməsinin təşkilində fəal iştirak edir.

İdarəetmə Sisteləri İnstitunun kollektivi adından Zəhra Əzizovanı 75 illik yubileyi münasibətilə təbrik edir, ona möhkəm cansağlığı və yeni  uğurlar arzulayırıq!