NASA kosmosa aid sualları cavablandıracaq süni intellekt dəstəkli söhbət botunu təqdim edib
15.11.2024 / Maraqlı məlumatlar
NASA, Microsoft ilə əməkdaşlıqda hazırladığı süni intellekt dəstəkli söhbət botu Earth Copilot-u təqdim edib. Görünür, bu söhbət botu kosmosa marağı olanlar üçün əvəzolunmaz olacaq.
Earth Copilot, kosmos həvəskarları üçün əsl xilasedici bir rol oynayacaq. Çünki bu söhbət botu, NASA-nın məlumat bazasına çıxışı və məlumatları başa düşməyi asanlaşdıracaq. Beləliklə, kosmosla bağlı maraqlı sualların cavablarına sürətli və ətraflı şəkildə çatmaq mümkün olacaq. NASA-nın açıqlamasına görə, Earth Copilot hələlik yalnız NASA-da çalışan elm adamları və tədqiqatçılar üçün əlçatan olacaq. Lakin gələcəkdə bu söhbət botu NASA-nın Vizualizasiya, Kəşf və Məlumat Analizi (VEDA) proqramına daxil ediləcək və geniş ictimaiyyətə təqdim olunacaq.
NASA-nın yüksək səviyyəli rəhbərlərindən biri olan Tyler Bryson, Earth Copilot-un niyə lazım olduğunu açıqlayıb. NASA-nın çox böyük məlumat bazasına sahib olduğunu vurğulayan Bryson, bu məlumatları tapmaq, başa düşmək və istifadə etməyin asan olmadığını bildirib. Tyler Bryson-a görə, süni intellekt bu prosesi asanlaşdırmağa kömək edəcək.
