İdarəetmə Sistemləri İnstitutunun Elmi şurasının cari il üzrə hesabat iclasları keçirilir

28.11.2024 / Maraqlı məlumatlar

28 noyabr 2024-cü il tarixində AR Elm və Təhsil Nazirliyi İdarəetmə Sistemləri İnstitutunun (İSİ) Elmi şurasının iclasında bir sıra laboratoriya və şöbələrin cari il üzrə hesabatları dinlənilib. Tədbirdə institutun rəhbərliyi, şura üzvləri, şöbə və laboratoriya müdirləri iştirak ediblər.

İclasda İnformasiyanın intellektual emalı sistemləri laboratoriyası, Fövqəladə hallarda idarəetmə laboratoriyası, İntellektual informasiya-ölçmə sistemləri laboratoriyası,  Kəsilməz proseslərin modelləşdirilməsi və idarə edilməsi laboratoriyası və Elmi-texniki informasiya və patent tədqiqatları şöbəsinin 2024-cü il üzrə hesabatları dinlənilib.

Sonda hesabatlarla bağlı geniş müzakirə aparılıb, açıq səsvermə keçirilərək hesabatlar müsbət qiymətləndirilib.