Bakıda Beynəlxalq “Xəzər neft və qaz, neftayırma və neft kimyası” sərgisi keçirildi

31.05.2018 / Xəbərlər

2018-ci il 29-31 may tarixinde Xəzəryanı regionun neft-qaz sahəsi üzrə ən böyük tədbiri olan Beynəlxalq “Xəzər neft və qaz, neftayırma və neft kimyası” sərgi və konfransı öz mötəbər yubileyini – uğurlu fəaliyyətinin 25-ci il dönümünü qeyd edir. Caspian Oil Gas sərgisi 200-dən artıq nef-qaz sahəsində fəaliyyət göstərən aparıcı beynəlxalq şirkətlər ilə ünsiyyət qurmaq üçün unikal bir platformadır.

Xəzər Neft və Qaz Konfransı - neft və qaz sektoru və onunla əlaqəli sahələrdə fəaliyyət göstərən aparıcı şirkətlərin yüksək səviyyəli rəhbərlərin bir araya gətirən tədbirdir.

Sərgidə AMEA-nın İdarəetmə Sistemləri İnstitutu (İSİ) və Şnayder Elektrik şirkətinin birgə yaratdıqları “Diaqnostika və Nəzarət” Sistemini nümayiş etdirmişdilər. İSİ tərəfindən tədbirdə 1.5 saylı “Texniki obyektlərin monitorinqi və nəzarət sistemləri” laboratoriyasının müdiri t.e.d. Quluyev Qəmbər Ağaverdi oğlu çıxış edib.