İdarəetmə Sistemləri İnstitutunun əməkdaşı beynəlxalq konfransda iştirak edib

06.12.2024 / Mühüm xəbərlər

AR Elm və Təhsil Nazirliyi İdarəetmə Sistemləri İnstitutunun böyük elmi işçisi, t.ü.f.d. İlahə Rzayeva 25-29 noyabr 2024-cü il tarixlərində Cənubi Koreyanın Siheung şəhərində Cənubi Koreyanın İKT və Elm Nazirliyi, KAİST və Seoul Milli Universitetlərinin təşkilatçılığı ilə keçirilən “Yeni Minilliyin Nəslində Rəqəmsal Liderliyin Zəruriyyəti” mövzusunda qlobal rəqəmsal R&DB Hub və 1-ci DİAMOND Klubunun konfransında iştirak edib.

İ.Rzayeva konfransda cari ilin sentyabr ayında 2024-cü ilin Qlobal Rəqəmsal Konvergensiyanın Rəqəmsal Akademiyasının “Süni intellekt və onun dövlət və özəl qurumlarda yaranan fəsadlar və avantajları” üzrə onlayn 11 kursu müvəffəqiyyətlə bitirərək seçilmiş qalib olması münasibətilə sertifikatla təltif olunub.

Seminarda Asiya, Latın Amerika, Afrika, Avropa və Orta Şərq və Şimali Afrika ölkələrinin alimləri, dövlət və özəl sektorun nümayəndələri iştirak ediblər.

Konfrans çərçivəsində Koreyanın Hyundai, Samsung, POSCO, Lotte Tower şirkətləri və UNESCO-nun mədəni irsləri ziyarəti olunub.