Google şirkəti öz axtarış sistemində yeni funksiyanın testinə start verib. Söhbət, Google Search-də fayllar üzrə axtarış funksiyasından gedir. Bu funksiya artıq bəzi Google istifadəçilərində ortaya çıxıb. X (keçmiş Twitter) istifadəçilərdən biri sözügedən funksiyanın necə çalışdığını sərgiləytib. Görmək olar ki, Google Search-ün yenilənmiş panelinə fayl seçimi ikonu əlavə edilib.

     

İstifadəçi həmin ikona klikləməklə cihazındakı hər hansısa faylı axtarış sisteminə yükləyə bilər. Lakin hal-hazırda bunu edən zaman Google Search yüklənmiş faylla heç bir qarşılıqlı əlaqədə olmur. Çox güman ki, bu, funksiyanın hələ hazırlanma mərhələsində olmasından xəbər verir. Gözləntilərə əsasən faylın axtarış sisteminə yüklənməsindən sonra onun barəsində veb axtarışı reallaşdırmaq mümkün olacaq. Qeyd etmək lazımdır ki, ChatGPT kimi süni zəka əsaslı çat-botlar artıq fayllarla çalışma imkanına sahibdirlər.