Dövlət İmtahan Mərkəzi 2025/2026-cı tədris ili üçün magistraturaya qəbul elan edib
14.01.2025 / Maraqlı məlumatlar
Ali təhsil müəssisələrinin magistraturalarına qəbul haqqında elanın tam mətni, müsabiqə şərtləri, magistraturaya ərizə verən bakalavrlar üçün təlimat, magistratura səviyyəsinə qəbula hazırlaşanlara kömək məqsədilə ümumi intellekt səviyyəsini (məntiqi təfəkkürü), informatika üzrə bilikləri, xarici dilləri bilmə səviyyəsini yoxlayan test tapşırığı nümunələri “Magistr” jurnalının 2-ci sayında dərc edilib.
Jurnalda həmçinin xarici dil (ingilis, fransız, alman, rus, ərəb və fars dilləri) fənni üzrə dinləyib-anlama qabiliyyətini yoxlamaq üçün tapşırıq nümunələri verilmişdir. Hər bir fənn üzrə jurnalda verilən QR kodu skan etməklə müvafiq audiofayla birbaşa keçid edə bilər və bu audiofayla qulaq asmaqla verilən tapşırıqları yerinə yetirə bilərsiniz.
Jurnalı DİM-in əsas inzibati binasından (Bakı şəhəri, Nəsimi rayonu, Akademik Həsən Əliyev küçəsi, 299), həmçinin kitab mağazalarından almaq və ya www.abiturient.az saytından sifariş etmək mümkündür.
