Elmi dərəcə alanların yaş qruplarına dair məlumat açıqlanıb
15.01.2025 / Maraqlı məlumatlar
2024-cü ildə fəlsəfə doktoru elmi dərəcəsi alanların yaş qruplarına dair məlumat açıqlanıb.
“Azərbaycan müəllimi” xəbər verir ki, bu barədə Azərbaycan Respublikasının Prezidenti yanında Ali Attestasiya Komissiyası məlumat yayıb.
Məlumata əsasən, fəlsəfə doktoru elmi dərəcəsi alanlardan yaşı 35-50 yaş arası olan iddiaçılar əksər elmi sahələrdə üstünlük təşkil edir. Məsələn, təbiət elmləri sahəsində, xüsusən tibb elmləri və kimya üzrə 35-50 yaş qrupuna daxil olan iddiaçıların sayı daha yüksəkdir.
Eyni zamanda 35 yaşa qədər olan gənc iddiaçılar daha çox riyaziyyat, astronomiya və psixologiya kimi sahələrdə fəallıq göstərib. Bununla yanaşı, filologiya, fəlsəfə və pedaqogika sahələrində də bu yaş kateqoriyasına daxil olan iddiaçılar diqqət çəkir.
