İdarəetmə Sistemləri İnstitunun şöbə müdiri Xırda Hüseyovanın 70 yaşı tamam olur

20.01.2025 / Mühüm xəbərlər

AR Elm və Təhsil Nazirliyi İdarəetmə Sistemləri İnstitunun (İSİ) Sənədlərlə iş şöbəsinin müdiri Xırda Hüseynova institutun baş direktoru, akademik Əli Abbasov tərəfindən 70 illik yubileyi və uzunmüddətli səmərəli elmi-təşkilati fəaliyyəti ilə əlaqədar institutun Fəxri Fərmanı ilə təltif edilib.

Hüseyovanın Xırda Nurulla qızı 22 yanvar 1955-ci ildə Bakı şəhərində anadan olub. Orta məktəbi müvəffəqiyyətlə bitirdikdən sonra Bakı Yüngül sənaye texnikumunda təhsil alıb.

1981-2014-cü illərdə Kibernetika institutunda (indiki İdarəetmə Sistemləri İnstitutu) tabelçi, təsərrüfat üzrə müdir, dəftərxana müdiri vəzifələrində işləyib. 2014-ci ildən etibarən isə institutun Sənədlərlə iş şöbəsinin müdiri vəzifəsində çalışır. X.Hüseynova institutda çalışdığı uzun illər ərzində elmi-təşkilati fəaliyyəti ilə əlaqədar İSİ YAP ərazi təşkilatı, Həmkarlar təşkilatı və Qadınlar şurası tərəfindən fəxri fərmalarla təltif olunub.

İdarəetmə Sisteləri İnstitunun kollektivi adından Xırda Hüseynovanı 70 illik yubileyi münasibətilə təbrik edir, ona möhkəm cansağlığı və yeni  uğurlar arzulayırıq!