AMEA-nın İdarəetmə Sistemləri İnstitutunun Xarici əlaqələr və innovasiya söbəsinin müdiri, HORİZON 2020 proqramının Hüquqi və Maliyyə aspektləri üzrə Milli təmsilçisi (Legal&Financial NCP HORIZON 2020), Azərbaycanda HDM üzrə ekspert Tofiq Babayev və Xalidə Məlikova, Sevinc Babayeva, Vasif Həsənovun müəllifliyi ilə  hazırlanmış, Avropa Birliyinin Elmi Tədqiqat və İnnovasiya Çərçivə Proqramında iştirak etməyi planlaşdıran alimlər üçün Azərbaycan dilində “HORİZON 2020-də İdeyadan layihınin təqdim edilməsinə doğru” adlı metodik vəsait dərc olunmuşdur.

Metodik vəsaitdə HORİZON 2020-nin bütün strukturu və tərkib hissələri çərçivə   Proqramında tədqiqatçıların və müəssisələrin qeydiyyatdan keçmək, lahiyələrin yazılması və təqdim edilməsi barədə ətraflı məlumatlar məlumatlar verilmişdir. Bundan əlavə, HORİZON 2020-nin müxtəlif istiqamətləri üzrə milli təmsilçilərin siyahısı verilmişdir. Metodik vəsaitdən eyni zamanda HORİZON 2020-də iştirak etmək istəyən kiçik və orta sahibkarlar, dövlət və qeyri-dövlət təşkilatlarının nümayəndələri də yararlana bilərlər.