Kənd Təsərrüfatı Nazirliyinin nümayəndələri İSİ-ni ziyarət edib

15.11.2018 / Xəbərlər

15 noyabr 2018-ci il tarixində Kənd Təsərrüfatı Nazirliyinin Aqrar Elm və İnformasiya Məsləhət Mərkəzinin baş direktoru Vüqar Babayevin rəhbərlik etdiyi nümayəndə heyəti İSİ-ni ziyarət edib. İSİ-nin direktoru, akademik Telman Əliyev və İnstitutun əməkdaşları ilə görüşən qonaqlar institutda son görülən işlərlə tanış olublar. Həmçinin qonaqlara, instututda həyata keçirilən iki layihə barədə ətraflı məlumat verildi:
1. “Artezian quyularının nəzarət, diaqnostika və idarəetmə sistemlərinin effektivliliyinin yüksəldilməsi üçün intellektual metodların işlənilməsi və tətbiqi”
2. “Regionda su hövzələrinin qorunması və baş verəcək təbii fəlakətlərin nəticələri və risklərin azadılması məqsədi ilə intellektual seysmo akustik erkən xəbərdarlıq sisteminin yaradılması”
Sonra İSİ və Kənd Təsərrüfatı Nazirliyi arasında gələcək əməkdaşlıq barədə müzakirələr keçirildi.