Google Chrome-a real vaxtda süni intellektdən qorunma funksiyası əlavə edilir!

24.02.2025 / Maraqlı məlumatlar

Google Chrome süni intellektlə işləyən yeni təhlükəsizlik funksiyasını elan edib. Belə ki, Chrome brauzerində real vaxtda çalışan bu süni intellekt şübhəli saytlara, endirmələrə və genişləndirmələrə qarşı qoruma təklif edir.

Google öz Chrome brauzerinə süni intellektlə işləyən real vaxt rejimində mühafizə funksiyasını əlavə edib. Yeni yeniləmə istifadəçiləri şübhəli veb-saytlardan, yükləmələrdən və genişlənmələrdən dərhal qorumaq məqsədi daşıyır. Chrome-un yeni təhlükəsizlik xüsusiyyəti uzun müddət istifadə edilən Safe Browsing sisteminə süni intellekt dəstəyi əlavə edilərək yenilənib. Daha əvvəl “proaktiv qoruma” üsulu ilə işləyən sistemin, indi süni intellekt inteqrasiyası sayəsində istifadəçilərə “real vaxtda qoruma” təqdim edəcəyi açıqlanıb. Google tərəfindən edilən açıqlamada, bu yenilənmiş xüsusiyyətin daha əvvəl zərərli olaraq qeyd olunmayan internet səhifələrini belə anında analiz edərək təhlükələri aşkarlaya bildiyi bildirilib.

Süni intellektlə işləyən bu xüsusiyyət üç aylıq sınaq müddətindən sonra Chrome-un eksperimental versiyası olan Chrome Canary-də sınaqdan keçirilib və bütün platformalarda stabil versiyaya buraxılıb. Yeni texnologiya yalnız veb-səhifələrlə məhdudlaşmır, həm də yükləmələri dərindən skan etməklə şübhəli faylları aşkarlaya bilir. Google tərəfindən edilən açıqlamada, bu təhlükəsizlik xüsusiyyətinin istifadəçilərə daha əhatəli qorunma təmin etmək məqsədi daşıdığı ifadə edilib. Yeni funksiya Chrome-un stabil versiyasında olan bütün istifadəçilər üçün əlçatandır. Beləliklə, süni intellekt indi də Chrome təhlükələrinə qarşı bizi qoruyacaq.
nmincom.gov.az