İdarəetmə Sistemləri İnstitutunun əməkdaşları beynəlxalq treninqdə iştirak ediblər

01.04.2025 / Mühüm xəbərlər

30 mart 2025-ci il tarixində AR Elm və Təhsil Nazirliyi İdarəetmə Sistemləri İnstitutunun (İSİ) Beynəlxalq əlaqələr və innovasiya şöbəsinin müdiri, t.ü.f.d. Tofiq Babayev və şöbənin əməkdaşı Xalidə Məlikova ERASMUS+ proqramı çərçivəsində Bolqarıstanın Ruse şəhərində yerləşən "Angel Kanchev" adına Ruse Universitetinə baş tutan beynəlxalq treninqdə iştirak ediblər.

Beş gün davam edən treninqdə T.Babayev Rəqəmsal Nəqliyyat Dəhlizləri və Milli Elektron Logistika Sistemləri mövzusunda məruzələr edib.

Treninqdə Bakı Ali Neft məktəbinin (BANM) dörd aylıq mübadilə proqramında iştirak edən 6 tələbəsi ilə görüş keçirilib. ERASMUS gününə həsr edilmiş təntənəli iclasda dünyanın qabaqcıl 40 ölkəsindən gəlmiş tələbələr, o cümlədən BANM tələbələri Azərbaycana həsr edilmiş təqdimatla çıxış ediblər.