Dövlət qulluğuna qəbul və dövlət qulluğunda fəaliyyətin davam etdirilməsi üzrə test imtahanları keçirilir
07.04.2025 / Maraqlı məlumatlar
Dövlət İmtahan Mərkəzi 6 aprel 2025-ci il tarixində inzibati vəzifələrin B növünə aid BB altqrupu üzrə dövlət qulluğuna qəbul imtahanı, həmçinin inzibati rəhbər vəzifələrə aid AB, AC və inzibati icraçı vəzifələrə aid BA, BB vəzifə altqrupları üzrə dövlət qulluğunda fəaliyyətin davam etdirilməsi imtahanı keçirir.
Dövlət qulluğuna qəbul imtahanı
Bu imtahanda iştirak etmək üçün 1636 nəfər qeydiyyatdan keçib. İmtahan Bakı və Naxçıvan şəhərlərində saat 11:00 və 16:00 olmaqla iki növbədə təşkil olunur. İmtahan kompüterlər vasitəsilə elektron formada keçirilir. Namizədlər imtahanı yekunlaşdırdıqda və ya imtahan üçün ayrılan vaxt başa çatdıqda nəticələrlə tanış olmaq imkanına malik olurlar. Nəticələr həmçinin sabah gün ərzində DİM-in saytında yerləşdiriləcək.
İmtahanda 1517 namizəd iştirak edib. İmtahan nəticələrinə əsasən, BB1 altqrupu üzrə 26 nəfər, BB2 altqrupu üzrə 49 nəfər, BB3 altqrupu üzrə 116 nəfər, BB4 altqrupu üzrə 175 nəfər olmaqla, ümumilikdə 366 namizəd uğur qazanıb.
Dövlət qulluğunda fəaliyyətin davam etdirilməsi üzrə imtahan
Bu gün həmçinin Bakı və Naxçıvan şhərlərində inzibati rəhbər vəzifələrə aid AB, AC və inzibati icraçı vəzifələrə aid BA, BB vəzifə qruplarına uyğun vəzifələr üzrə dövlət qulluğunda fəaliyyətin davam etdirilməsi üçün test imtahanı keçirilir. İmtahanda iştirak etmək üçün 128 namizəd qeydiyyatdan keçib. İmtahan saat 16:00-da başlanır.
İmtahanda 124 namizəd iştirak edib. İmtahan nəticələrinə əsasən, AC1 altqrupu üzrə 1 nəfər, AC2 altqrupu üzrə 1 nəfər, AC3 altqrupu üzrə 4 nəfər, BA1 altqrupu üzrə 1 nəfər, BA2 altqrupu üzrə 4 nəfər, BA3 altqrupu üzrə 9 nəfər, BA4 altqrupu üzrə 6 nəfər, BB1 altqrupu üzrə 31 nəfər, BB2 altqrupu üzrə 24 nəfər, BB3 altqrupu üzrə 14 nəfər, BB4 altqrupu üzrə 12 nəfər olmaqla, ümumilikdə 107 namizəd uğur qazanıb.
Qeyd edək ki, imtahanların nəticələri ilə bağlı Apellyasiya Komissiyası 7‑9 aprel tarixlərində saat 14:00-dan 17:00-dək Dövlət İmtahan Mərkəzinin elektron imtahanlar korpusunda fəaliyyət göstərəcək. Ünvan: Bakı şəhəri, Binəqədi rayonu, Süleyman Sani Axundov küçəsi, 50.
