Qlobal internet şəbəkəsinin çəkisi 960 min qramdan çoxdur. 

 

Bu barədə "Wired" portalı məlumat yayıb.

 

İnternetin çəkisinin ilk hesablamasını 2006-cı ildə Harvard fiziki Russell Seitz edib. Bütün dünyada serverlərin işləməsi üçün lazım olan enerji miqdarını nəzərə alaraq, o, şəbəkənin çəkisini 50 qram - təxminən iki çiyələk çəkisi kimi qiymətləndirib. "Discover" jurnalı daha sonra öz hesablamalarını apararaq, 40 petabayt internet trafikini kodlaşdırmaq üçün lazım olan elektronların sayını təxmin edib və qramın beş milyonda biri rəqəmini ortaya qoyub.

 

 

Bəzi elm adamları bu yanaşmaları kifayət qədər obyektiv olmayan kimi tənqid edirlər. Beləliklə, "Wired" qiymətləndirmələri üçün digər ekspertlərə müraciət edib. NEC Laboratories America-nın prezidenti Kristofer Uayt bir serverdə bütün məlumatları kodlaşdırmaq üçün tələb olunan enerjiyə əsaslanaraq internetin kütləsini hesablamağı ortaya atıb.

 

İnternetdəki məlumatın həcmini (175 zettabayt və ya 1,65x1024 bit) nəzərə alsaq, o, 5,32x10-14 qram dəyər əldə etmək üçün Boltsman sabitindən və kütlə-enerji ekvivalenti düsturundan (E = mc kvadratı) istifadə edib.

 

Başqa bir yanaşma DNT ilə müqayisədir. Tədqiqatlar göstərir ki, bir qram DNT 215 petabayt məlumat saxlaya bilir. 175 zettabayt saxlamaq üçün təxminən 960 min qram DNT lazımdır. Bu kütlə 64 min çiyələyin çəkisinə bərabərdir.