İdarəetmə Sistemləri İnstitutunda doktorantların və dissertantların attestasiyası keçirilib

16.04.2025 / Mühüm xəbərlər

Azərbaycan Respublikası Elm və Təhsil Nazirliyi İdarəetmə Sistemləri İnstitutunda (İSİ) fəlsəfə doktoru və elmlər doktoru proqramları üzrə “Kompüter elmləri”, “İnformasiya-ölçmə və idarəetmə sistemləri”, “Sistemli analiz, idarəetmə və informasiyanın işlənməsi” və “Ekonometriya; iqtisadi statistika” ixtisasları üzrə təhsil alan doktorantların və dissertantların attestasiyası keçirilib. İSİ-nin baş direktoru, akademik Əli Abbasovun əmri ilə yaradılmış Attestasiya komissiyasının iclasları t.e.d., professor Ramin Rzayevin sədrliyi ilə keçirilib.

Attestasiyada iştirak edən doktorantlar və dissertantlar öz dissertasiya işlərinə dair fərdi iş planlarında nəzərdə tutulan elmi-tədqiqat işlərinin yerinə yetirilməsinin gedişatı, konfranslarda iştirak, elmi işlərin dərc olunması və s. haqqında ətraflı məlumat veriblər, komissiya üzvlərinin suallarını cavablandırıblar, onların tövsiyələrini dinləyiblər.