Barmaq izi tarixə qovuşur: Damar izini tanıyan qapı kilidi kəşf olundu
17.04.2025 / Maraqlı məlumatlar
"Huawei" dünyada ilk dəfə ovuc damarlarının naxışını tanıyan süni intellektli qapı kilidi - "Smart Door Lock 2"ni təqdim edib.
Bu barədə "Hi-Tech Mail"ə istinadən xəbər verir.
Bildirilir ki, bu kilid yüksəkdəqiqlikli "pişik gözü" sensoru, gecəgörmə funksiyası və geniş bucaqla təchiz olunub. Həmçinin "Huawei"nin "HarmonyOS 5" sistemi ilə tam inteqrasiya olunur.
Kilid ovuc damarlarını oxumaqla yanaşı, barmaq izi, NFC, rəqəmsal kod, fiziki açar və üztanıma kimi fərqli açılma üsullarını da təklif edir.
Məlumata görə, dörd model arasında üçü avtomatik "Push-Pull" mexanizmi ilə təchiz edilib, flaqman Ultra versiyası isə hələ tam təqdim olunmayıb.
"Huawei" bildirir ki, damartanıma texnologiyası üztanıma və barmaq izi ilə müqayisədə daha təhlükəsizdir, çünki bu unikal "naxış"ı saxtalaşdırmaq demək olar ki, mümkün deyil.
