Nazirlərin Şərq Tərəfdaşlığı Ölkələrinin Rəqəmsal İqtisadiyyatı üzrə 3-cü Panel iclası keçirildi
26.02.2019 / Xəbərlər26 fevral 2019-cu ildə Rumınyanın Buxarest şəhərində şəhərində Şərq tərəfdaşlığı ölkələrinin rəqəmsal iqtisadiyyatı üzrə nazirlər səviyyəsində 3-cü Panel iclası keçirildi. Azərbaycanın nümayəndə heyətinə Azərbaycan Respublikası Nəqliyyat, Rabitə və Yüksək Texnologiyalar Nazirinin müavini Elmir Vəlizadə rəhbərlik etmişdir. İclasda aşağldakı tərkibdə Azərbaycan nümayəndə heyəti iştirak etmişdir:
- İsbandiyar Əliyev HDM-in milli koordinatoru, NR və YT Nazirliyinin informasiya cəmiyyətinin innovasiya inkişafı və elektron idarəetmə şöbəsinin müdir müavini;
- Bəxtiyar Məmmədov, NR və YT Nazirliyinin hüquq şöbəsinin müdir müavini;
- Aysel Qaribzadə, Beynəlxalq Əməkdaşlıq İdarəsi, NR və YT Nazirliyinin müşaviri;
- Tofiq Babayev AMEA-nın İdarəetmə Sistemləri İnstitutunun “Xarici əlaqələr və İnnovasiya” söbəsinin müdiri, Avropa İttifaqının Horizon 2020 Proqramının qanunvericilik və maliyyə üzrə milli təmsilçisi, elektron ticarət məsələləri üzrə ekspert.
Görüşün əsas məqsədi Şərq Tərəfdaşlığı Çərçivəsində rəqəmsal əməkdaşlıq sahəsində prossesləri müzakirə etməkdir. İştirakçılar həmçinin Şərq Tərəfdaşlığı regionunda rəqəmsal iqtisadiyyatın problem və imkanlarına da toxundular. Elmir Vəlizadə Azərbaycanda rəqəmsal iqtisadiyyatın inkişafına dair hesabat verdi. İclas iştirakçıları rəqəmsal iqtisadiyyat sahəsində ümumi öhdəliklərini təsdiqləyən bir bəyanat qəbul etdilər. Bəyanata Şərq Tərəfdaşlığı ölkələri ilə Avropa İttifaqı arasında rəqəmsal bazarların uyğunlaşdırılması (HDM) daxildir.
İştirakçılar, bu prosesi dəstəkləmək üçün araşdırma aparmağa və eyni zamanda, 7 Fevral 2019-da HDM panelində təsdiqlənən Milli Elektron Kommunikasiya Tənzimləmə Təşkilatlarının Rouminq üzrə Ekspertlərin İşçi Qrupu tərəfindən hazırlanmış altı ölkə üçün birgə yol xəritəsi qəbul etməyə razılaşdılar.