Bu gün YouTube platformasına ilk videonun yüklənməsindən düz 20 il ötür. Platformanın veb video playerinin istifadəçi interfeysinin hazırkı dizaynı 10 il ərzində dəyişdirilməmişdi və yubiley münasibətilə Google onu yeniləmək qərarına gəlib. Gözlənildiyi kimi, bu dəyişiklik bütün istifadəçilər tərəfindən bəyənilməyib. YouTube platformasında veb video player üçün yeni istifadəçi interfeysinin ortaya çıxması barədə bəzi Reddit forumu istifadəçiləri məlumat veriblər. Görünən odur ki, yeniləmə hələlik hər kəs üçün əlçatan deyil.

İstifadəçilərdən birinin sözlərinə görə, YouTube-un yeni player interfeysi onun ikinci hesabında bəzi videolarda görünməyə başlayıb, lakin əsas hesabında hələ heç bir dəyişiklik müşahidə olunmayıb. YouTube-un playerinə aid yeni istifadəçi interfeysi bu şəkildə görünür. Göründüyü kimi, yeni interfeys hər vacib əməliyyat üçün ayrıca düymələrə malikdir. İzləmə/pauza düyməsi, onun ardınca gələn "Növbəti" düyməsi, videonun zaman göstəricisi və video fəsilləri artıq özlərinə məxsus fon üzərində təqdim olunur.

Səsin tənzimləmə düyməsi isə digər tərəfə keçirilib və avtomatik oynatma, altyazılar, təsvir ayarları və digər funksiyalarla birlikdə ümumi bir fon altında birləşdirilib. Bəzi istifadəçilər YouTube-un veb playerinin bu yeni interfeysini bəyənsələr də, digərləri onu tənqid ediblər. Xüsusilə yeni səs sürgüsündən narazı qalanlar çox olub. Görünən odur ki, səs sürgüsü yeni dizaynda mouse ilə sadəcə üzərinə gəlib fırladaraq və ya klaviaturada yuxarı/aşağı düymələrindən istifadə edərək səsi dəyişməyə imkan vermir. Şəkillərdə bu sürgünün açılmış vəziyyətdə necə göründüyü isə göstərilməyib.