“Kibernetika və İnformatikanın Problemləri” mövzusunda 6-cı beynəlxalq konfrans (PCI 2025) keçiriləcək
28.04.2025 / Mühüm xəbərlər
Hörmətli həmkarlar,
26-28 avqust 2025-ci il tarixlərində Azərbaycan Respublikası Elm və Təhsil Nazirliyi İdarəetmə Sistemləri İnstitutunda “Kibernetika və İnformatikanın Problemləri” mövzusunda 6-cı beynəlxalq konfrans (PCI 2025) keçiriləcək.
Konfransın təşkilatçıları:
AR Elm və Təhsil Nazirliyi İdarəetmə Sistemləri İnstitutu;
AR Elm və Təhsil Nazirliyi İnformasiya Texnologiyaları İnstitutu;
Türkiyənin Ege Universiteti;
Ukraynanın V.M.Qluşkov adına Kibernetika İnstitutu;
Qazaxıstanın İnformasiya və Hesablama Texnologiyaları İnstitutu;
Yunanıstanın Thessaly Universiteti.
Konfransın mövzuları:
Optimallaşdırma və optimal idarəetmə;
Riyazi modelləşdirmə, parametrik identifikasiya və tərs məsələlər;
Ədədi üsullar və hesablama texnologiyaları;
Texniki və sosial-iqtisadi sistemlərdə qərarların qəbulu;
Neft və qaz hasilatı, emalı, nəqli proseslərinin modelləşdirilməsi və idarə edilməsi;
İntellektual sistemlər və qərarların qəbulu;
Nümunələrin tanınması üsulları və sistemləri;
Stokastik və qeyri-səlis qərar qəbuletmə modelləri.
Önəmli tarixlər:
İştirakçıların qeydiyyatı və tezislərin təqdim edilməsi: 01.05.2025
Məqalənin tam mətninin təqdim edilməsi: 15.05.2025
Qəbul bildirişi: 30.06.2025
İştirak haqqının ödənilməsi: 15.07.2025
2006-cı ildən etibarən Bakı şəhərində silsiləvi şəkildə keçirilən beynəlxalq konfransın əsas məqsədi elmi tədqiqat müəssisələri, universitetlər, beynəlxalq təşkilatlar, dövlət və özəl sektorlardan olan nümayəndələri bir araya gətirərək kibernetika və informatika sahələrində mövcud elmi və praktiki problemlərin müzakirə edilməsidir.
Hibrid formatda keçiriləcək konfransda Polşa, İtaliya, Gürcüstan, Almaniya, Ukrayna, Rumıniya, Litva, Bolqarıstan, Özbəkistan, Qazaxıstan və digər ölkələrin aparıcı alimlərinin iştirakı gözlənilir.
Konfransın işçi dili: ingilis dili
Ətraflı məlumat üçün aşağıdakı linkə keçid edə bilərsiniz:
