Qaranlıqda işıq saçır: Yerin yaxınlığında nəhəng naməlum obyekt kəşf edildi
30.04.2025 / Maraqlı məlumatlar
Astronomlar Yerdən cəmi 300 işıq ili uzaqlıqda yerləşən, əvvəllər məlum olmayan nəhəng qaz buludu - "Eos" adlı yeni bir obyekt kəşf ediblər.
Bu barədə məlumat "Space" portalında dərc olunub.
Məlumata görə, "Eos" indiyədək kəşf edilmiş Yerə ən yaxın molekulyar qaz buludu hesab olunur. Bu obyekt ulduzların yaranmasına səbəb olan ilkin maddə - molekulyar hidrogendən ibarətdir.
Alimlərin sözlərinə görə, molekulyar hidrogen birbaşa müşahidə oluna bilmədiyi üçün bu cür buludları tapmaq çox çətin idi. Lakin ilk dəfə olaraq tədqiqatçılar ultrabənövşəyi şüalanma vasitəsilə bu buludu birbaşa müşahidə edə biliblər. Maraqlıdır ki, "Eos" qaranlıqda işıq saçmaqla müşahidəni mümkün edib.
