Marsın dərinliyində böyük göl aşkarlandı
12.05.2025 / Maraqlı məlumatlar
Mars planetinin səthinin altında böyük göl tapılıb.
Göl səkkiz kilometr dərinlikdə yerləşir.
Bu gölün kəşfini Avstraliya, İtaliya və Çin alimlərindən ibarət qrup elan edib.
Onlar əminliklə bildiriblər ki, ilk təsdiqlənmiş maye su rezervuar Marsda 5,4-8 kilometr dərinlikdə aşkar edilib.
Onlar 2018-ci ildən Marsın qabığında "titrəmə"ni qeydə alan NASA-nın "InSight" missiyasının məlumatlarını təhlil ediblər. Alimlərə seysmologiya "kömək edib": iki meteorit zərbəsi və Marsın güclü silkələnməsi.
Yaranan seysmik dalğalar Marsın dərinliklərinə yüksək dəqiqliklə nəzər salmağa imkan verib. Onların ən müasir riyazi metodlardan istifadə etməklə apardıqları təhlillər yeraltının gözlənilməz mənzərəsini ortaya çıxarıb, orada dərin göl aşkarlanıb.
