ISI-də Akademik Roalt Zinuroviç Saqdeev ilə görüş keçirildi

07.06.2019 / Xəbərlər

Akademik Roalt Zinuroviç Saqdeev 31 may 2019-cu il tarixində AMEA İdarəetmə Sistemləri İnstitutunun qonağı olmuşdur. Dünya şöhrətli məşhur fizik-alim bizim ölkəmiz qarşısında kosmik tədqiqatların təşkilatı üzrə çox böyük xidmətləri olan görkəmli alimdir. O həm də informatikanın idarəetmə sistemlərinin tarixinə və inkişaf mərhələlərinə dərindən bələddir. Onun İSİ-na gəlməsi hazırda  aparılan çox əhəmiyyətli və maraqlı problemlərlə bağlıdır. Bu görüşü tarixi bir hadisə hesab etmək olar. O, İSİ-da aparılan elmi tədqiqat işlərinə çox böyük maraq göstərdi, bir sıra problemlər onunla müzakirə edildi və gələcəkdə birgə işlər barəsində də müəyyən fikir mübadiləsi aparıldı.