Ukraynanın bir sıra universitetlərinin nümayəndə heyətlərinin Azərbaycana səfəri çərçivəsində 15 iyun saat 12:00-dan 19:00-dək “Landmark Hotel Baku” mehmanxanasının "Rotunda" zalında təhsil sərgisi keçiriləcəkdir.

Təhsil sərgisində Ukraynanın 20-yə yaxın ali təhsil müəssisəsi iştirak edəcək və Ukraynada müxtəlif təhsil səviyyələri və ixtisas istiqamətləri üzrə təhsil imkanları barədə iştirakçılara məlumat veriləcəkdir.

Sərgi universitetlərlə yaxından tanış olmaq istəyən şagird və tələbələr üçün açıq və ödənişsizdir.