Neuralink-in 6-cı pasienti fikir gücü vasitəsilə kompüter oyunları oynamağı öyrənib
23.06.2025 / Maraqlı məlumatlar
2024-cü ilin yanvarında Neuralink-in beyin implantı yerləşdirilmiş ilk pasient amerikalı Noland Arbough olub. O, 2016-cı ildən onurğa beyni zədəsi səbəbilə 4 bədən hissəsinin hərəkət qabiliyyətini itirmişdi. Artıq Neuralink-in beyin implantı ilə altıncı könüllü əməliyyatdan cəmi 1 həftə sonra yeni imkanlarla bağlı təəssüratlarını bölüşüb. Rob Greiner-in sözlərinə görə, o, beyin implantını cəmi 1 həftə əvvəl əldə edib, lakin artıq kompüter ekranında kursoru idarə etməyi öyrənib və bir neçə kompüter oyununu oynamağı bacarıb. O bu sahədə daha sürətli irəliləyişə ümid edir. Neuralink-in altıncı beyin implantı pasienti 2022-ci ilin dekabrında yol-nəqliyyat qəzası nəticəsində 4 bədən hissəsinin hərəkət qabiliyyətini itirmişdi.
Greiner sosial şəbəkə X-də iki video yayımlayıb. Videolarda o, noutbukda düşüncə gücü ilə oyun oynayır və şirkət komandasına, həkimlərə və yaxınlarına dəstəyə görə təşəkkür edir. O həmçinin vurğulayıb ki, Neuralink-dən başqa heç bir yardımçı texnologiyadan istifadə etmir. Xatırladaq ki, Neuralink beyin implantı əməliyyatını keçmiş altı pasientdən biri yan amiotrofik skleroz (ALS) xəstəliyindən əziyyət çəkir. Bu xəstəlik faktiki olaraq onun danışmaq qabiliyyətini əlindən alıb, lakin implant vasitəsilə o, smartfon və kompüterdə mətn yaza bilib.
Daha sonra bu mətn neyroşəbəkə ilə onun səsinə bənzər danışıq mesajına çevrilib. Bundan əlavə, Neuralink görmə qabiliyyətini itirmiş şəxslərə görmə bacarığını qaytarmaq məqsədi daşıyan BlindSight adlı yeni implantı sınaqdan keçirir. Hələlik bu sınaq meymunlar üzərində aparılıb və tədqiqatçılar hesab edirlər ki, o, kompüterdə yaradılmış sintetik bir obyektə bu implant vasitəsilə baxa bilib. Neuralink gələn il bu implantın insanlar üzərində sınaqlarına başlamağı planlaşdırır. Maraqlıdır ki, BƏƏ-dəki klinikalardan biri bu eksperimentdə iştirak etməyə hazırdır.
