İdarəetmə Sistemləri İnstitutunda I kurs magistrantlarla görüş keçirilmişdir
23.09.2019 / Xəbərlər
23 sentyabr 2019-cu il tarixində AMEA-nın İdarəetmə Sistemləri İnstitutunun direktoru, akademik Telman Əliyev I kurs magistrantlarla görüş keçirmişdir. 2019/2020-ci tədris ili üçün İnstitutunun magistraturasına 3 ixtisas üzrə 10 magistrant qəbul olunmuşdur. Görüşdə İnstitutun elmi işlər üzrə direktor müavini, texnika elmləri doktoru, professor Oqtay Nüsrətov, elmi katib Zəhra Əzizova, Xarici Əlaqələr və İnnovasiya Şöbəsinin rəhbəri, texnika üzrə fəlsəfə doktoru Tofiq Babayev, Təhsil Şöbəsinin rəhbəri, riyaziyyat üzrə fəlsəfə doktoru Sevinc Quliyeva və Kadrlar şöbəsinin müdiri Gülnar Quliyeva iştirak edirdilər.
Görüşü giriş sözü ilə açan akademik Telman Əliyev magistrantları İnstitutun magistraturasına qəbul olunmaları münasibətilə təbrik etmiş, onlara təhsil və elm yolunda müvəffəqiyyətlər arzu etmişdir. T.Əliyev İnstitutda magistrantların təhsil almaları və eyni zamanda elmlə məşğul olmaları üçün yaradılmış şəraitdən ətraflı danışmışdır. Daha sonra S.Quliyeva magistrantların dissertasiya mövzuları və iş üzrə elmi rəhbərləri haqqında məlumat vermişdir. Sonda O.Nüsrətov, Z.Əzizova, T.Babayev və G.Quliyeva magistrantlara öz arzu və tövsiyələrini bildirmişlər.
