Yer üzərində həyatın mənşəyi müasir elmin hələ də cavablandıra bilmədiyi əsas sirrlərdən biridir. Həyat nə vaxt yaranır, onun "toxumları" haradan gəlir və orqanik maddələrin sintezi üçün ilkin kimyəvi proseslər harada başlayır? Planetlərin səthindəki qidalı mühitlərdə, yoxsa kosmosun soyuq dərinliklərindəmi? Son müşahidələr göstərir ki, ikinci ehtimal -yəni kosmik mənşəli həyat - getdikcə daha çox təsdiqini tapır və bu da kainatda həyatın hər yerdə mövcud ola biləcəyinə işarə edir. Bu kəşfi amerikalı astronomlardan ibarət birgə tədqiqat qrupu edib. Onlar məlumat toplamaq üçün dünyanın ən iri dönən radioteleskoplarından birini - diametri 100 metr olan Green Bank teleskopunu (GBT) istifadə ediblər. Bu teleskop ABŞ-ın Qərbi Virciniya ştatının Green Bank bölgəsində yerləşir. Alimlər Yerdən təxminən 430 işıq ili uzaqlıqda yerləşən Taurus molekulyar buludundan (TMC-1) mikrodalğalı şüalanma toplayıblar.

Bu, kifayət qədər mürəkkəb molekulyar quruluşdur və onu əsasən ekzoplanetlərin atmosferində və ya inkişaf etmiş ulduz sistemlərində tapmaq gözlənilə bilərdi. Lakin aparılmış bu tədqiqatda sianokoronen heç bir planet və ya sistemə yaxın olmayan, ulduzlararası soyuq qaz buludunda aşkar edilib. “Bu o deməkdir ki, mürəkkəb orqanik birləşmələrin yaranmasına səbəb olan kimyəvi proseslər ulduzların doğulmasından əvvəl də baş verə bilər” - deyə tədqiqatçılar yazır və vurğulayırlar ki, bu cür prebiotik molekullar ulduzların və planetlərin formalaşmasının erkən mərhələlərində geniş yayılmış komponent ola bilər. Kainatda orqanik maddələr hər yerdə mövcuddur və bu, həyatın Yer planetindən başqa bir yerdə də mövcud ola biləcəyinə işarə edə bilər. “Hər yeni kəşf bizi kainatda mürəkkəb orqanik kimyanın mənşəyini və bəlkə də həyatın əsas quruluş elementlərinin haradan gəldiyini anlamağa bir addım da yaxınlaşdırır” - deyə tədqiqatçılar yekunlaşdırıblar.