Akademik Asəf Hacıyevin kitabları beynəlxalq nəşriyyatlarda çap olunacaq

25.07.2025 / Mühüm xəbərlər

Qara Dəniz İqtisadi Əməkdaşlıq Təşkilatının (QDİƏT) Parlament Assambleyasının baş katibi, akademik Asəf Hacıyevin kitabları beynəlxalq nəşriyyatlarda çap olunacaq.

Akademik Asəf Hacıyev və çinli professor Jiuping Xunun həmmüəllifi olduqları High-regression analysis and Artificial Intelligence (“Çox ölçülü reqressiya analizi və sünü intellekt”) adlı ilk kitab cari ilin sonuda Springer nəşriyyatı tərəfindən nəşr olunacaq. Sözügedən kitab Azərbaycanda elmin inkişafında misilsiz xidmətləri olan Ulu Öndər Heydər Əliyevin əziz xatirəsinə həsr olunub.

Akademik Asəf Hacıyevin SSRİ Dövlət mükafatı laureatı, İsveçin Umea Universitetinin professoru, mərhum alim Yuri Konstantinoviç Belyaevlə həmmüəllif olduğu Queueing systems with moving servers adlı növbəti kitab isə 2026-cı ilin yanvar ayında ABŞ-da Taylor and Francis nəşriyyatında çap olunacaq.