Reklam vərəqələrində yazıldığı kimi - hər kəs proqramçı ola bilər. Amma bunun üçün təşəkkür etməli olduğumuz çoxsaylı proqramlaşdırma məktəbləri deyil, süni intellekdir. Google bu “vibe-coding” epidemiyası ilə mübarizə aparmaq əvəzinə, ona özü rəhbərlik etməyə qərar verib. Vibe-coding - proqramlaşdırma dillərini bilmədən proqram kodu yazmağa deyilir. Bu sahədə süni intellekt böyük kömək göstərir - sadəcə nə istədiyinizi təsvir edin və o sizə kodu, hətta hazır layihəni təqdim edəcək! Əlbəttə, bütün məsələləri süni intellektə həvalə etmək olmaz, amma əsas və sadə tapşırıqları rahatlıqla optimallaşdırmaq mümkündür.

Sadəcə tətbiqin nə etməli olduğunu təsvir edin və Gemini bütün texniki detalları öz üzərinə götürərək sizə Google hesabı olan dostlara göndərilə biləcək hazır layihə təqdim edəcək. Bu yolla Google proqramlaşdırma mühitindən (IDE) istifadəyə tamamilə son verməyə çalışır. Opal isə artıq Canva, Figma, Replit kimi platformalara rəqabət yaradır - bu platformalar da No-code proqramlaşdırma konsepsiyasını fəal şəkildə inkişaf etdirirlər. Hazırda xidmət yalnız ABŞ istifadəçiləri üçün Google Labs vasitəsilə ictimai beta rejimində əlçatandır.

     
Şübhəsiz ki, süni intellekt proqramlaşdırma sahəsində olduğu kimi, bir çox başqa sahələrdə də aşağı ixtisas tələb edən işləri tamamilə əvəz edəcək. Bu, sadə layihələrin hazırlanmasını xeyli ucuzlaşdıracaq və sürətləndirəcək. Eyni zamanda, əksər mütəxəssislər süni intellektin yüksək ixtisaslı mütəxəssislər tələb edən mürəkkəb layihələrin hazırlanmasını əvəz edəcəyinə skeptik yanaşırlar. Hazırda biz son 30 ilin proqramlaşdırma sahəsində ən böyük transformasiyasının şahidi oluruq. Proqram təminatlarının hazırlanması daha sürətli və ucuz olacaq, lakin yüz minlərlə insan işsiz qalacaq. Bu, artıq ödəməyə başladığımız tərəqqinin bədəlidir.