Bu kosmik gəmi yerə uğurla qayıtdı
28.07.2025 / Maraqlı məlumatlar
ABŞ-ın Kaliforniya ştatı sahillərində, Sakit okeana enən SpaceX-ə məxsus Crew Dragon kosmik gəmisi Axiom Mission 4 (Ax-4) heyətini Yerə uğurla geri gətirib.
SpaceX hadisəni “Dragonun enişi təsdiqləndi – Yerə xoş gəldiniz” sözləri ilə X (keçmiş Twitter) hesabında paylaşaraq təsdiqləyib.
Kosmik gəmi bazar ertəsi Beynəlxalq Kosmik Stansiyadan (BKS) ayrılıb. Orbital stansiyaya səyahət təxminən 24 saatdan bir az çox çəkib. Təxminən 18 gün BKS-də olan heyətə keçmiş NASA astronavtı Peqqi Vitson, macar astronavt Tibor Kapu, polşalı Slavosz Uznański və Hindistan Hərbi Hava Qüvvələrinin sınaq pilotu Şubhanşu Şukla daxildir.
May ayında baş tutmalı olan uçuş, hava şəraiti və texniki problemlər – o cümlədən maye oksigen sızması səbəbilə bir neçə dəfə təxirə salınmışdı. NASA və Axiom Space ilk özəl astronavt missiyasını 2022-ci ilin aprelində həyata keçirmişdi.
