Kosmosa peyk buraxıldı - Santimetr dəqiqliklə
31.07.2025 / Maraqlı məlumatlar
Hindistan Kosmik Tədqiqatlar Təşkilatı (ISRO) və ABŞ Kosmik Agentliyi NASA çərşənbə günü Yerin dəyişən səthinin xəritəsini təfərrüatlı şəkildə göstərən NISAR peykini orbitə buraxıblar.
Bu haqda NASA məlumat yayıb.
“NISAR peyki Yerin dinamik, üçölçülü xəritəsini görünməmiş detallarla çəkəcək təkmilləşdirilmiş radar sistemi ilə təchiz edilərək Hindistanın Andra Pradeş ştatındakı Satiş Davan Kosmik Mərkəzindən orbitə çıxarılıb”, - deyə agentliyin press-relizində deyilir.
Məlumata görə, peyk quruda və buzda yerdəyişmələri santimetr səviyyəsində dəqiqliklə qeyd etməyə qadirdir.
Onun topladığı məlumatlar müxtəlif sahələrdə, o cümlədən fəlakətlərə reaksiya, infrastrukturun monitorinqi və kənd təsərrüfatında istifadə oluna bilər.
