Çində ilk robot mağazası açıldı

13.08.2025 / Maraqlı məlumatlar

Çinin paytaxtı Pekində futuristik konsepsiyanı həyata keçirən ölkənin ilk robot satış mərkəzi fəaliyyətə başlayıb.

Cümə günü qapılarını açan bu unikal mağaza insanabənzər, istehlakçı yönümlü robotların satışına yönəlib.

Mağazada iş görən robotlardan tutmuş şahmat oynayan robotlara və hətta Albert Eynşteyn kimi məşhur simaların insanabənzər surətlərinə qədər 100-dən çox müxtəlif növ robotlar nümayiş etdirilir.

Qiymətlər 278 dollardan başlayır və 150.000 dollara qədər qalxır.

Robot mağazası satış, ehtiyat hissələri və texniki xidmət də daxil olmaqla geniş çeşiddə xidmətlər təklif edir.
lent.az