OpenAI GPT-5 versiyasına yeni funksiyalar əlavə edib
14.08.2025 / Maraqlı məlumatlar
OpenAI GPT-5 modelində istifadəçilərlə daha səmimi və təbii danışacaq yeni danışıq üslubu hazırlayır. Bu, əvvəlki GPT-4o modelində bəzən istifadəçiləri narahat edən cavablardan fərqli olacaq. Buradakı “narahat edən” cavab dedikdə, modelin bəzən səhv, uyğun olmayan və ya istənilən tərzdə olmayan cavablar verməsi nəzərdə tutulur.
Sem Altman bildirib ki, gələcəkdə istifadəçilər GPT-5-in danışıq tərzini və üslubunu özlərinə uyğun fərdiləşdirə biləcəklər.
Yeni xüsusiyyətlərdən biri də odur ki, Plus və Pro plan istifadəçiləri GPT-5 üçün üç rejim seçə bilərlər:
- Auto (Avtomatik) – standart cavab rejimi
- Fast (Sürətli) – cavablar daha tez gəlir
- Thinking (Düşünən) – cavablar daha dərin və ətraflı olur
Abunəçilər həmçinin əvvəlki modellərə də giriş əldə edə bilərlər: GPT-4o, 4.1, o3 və o4-mini. GPT-4.5 isə yalnız Pro plan istifadəçiləri üçün kod yazmaqda mövcuddur.
Plus plan istifadəçiləri həftədə 3000 sorğu edə bilirlər. GPT-5 Thinking rejimində bir sorğu üçün 196 min tokenlik məlumat işlənə bilər. Limit bitdikdə sistem avtomatik olaraq GPT-5 Thinking mini versiyasına keçəcək.
Bəzi istifadəçilər GPT-4o-nun “emosional” versiyasını, yəni istifadəçiyə dost kimi yaxınlaşan modelini geri istəyirlər.
tech.az
