Türkiyə III yerdə: 25 DP iştirakçısı təhsil üçün bu ölkəni seçib
18.08.2025 / Maraqlı məlumatlar
Növbəti tədris ilində “Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2028-ci illər üçün Dövlət Proqramı” çərçivəsində daha 25 azərbaycanlı gənc Türkiyədə təhsil alacaq.
Beləliklə, gənclərin təhsil üçün üz tutduğu ölkələr sırasında birinci yerdə Böyük Britaniya və Şimali İrlandiya Birləşmiş Krallığı (347 nəfər), ikinci yerdə Amerika Birləşmiş Ştatları (66 nəfər), üçüncü yerdə isə Türkiyə (25 nəfər) qərarlaşıb.
“Azərbaycan müəllimi”nin məlumatına görə, onların bəziləri dünyanın ən nüfuzlu 10 universitetinin siyahısında yer alan ali təhsil müəssisələrinə qəbul olub.
Proqram iştirakçıları Türkiyənin aşağıdakı universitetlərində təhsil alacaqlar:
• Bilkent Universiteti (Bilkent University) – 16 nəfər
• Ege Universiteti (Ege University) – 2 nəfər
• Sabancı Universiteti (Sabancı University) – 3 nəfər
• İstanbul Texniki Universiteti (Istanbul Technical University) – 1 nəfər
• İstanbul Universiteti (Istanbul University) – 1 nəfər
• Koç Universiteti (Koç University) – 1 nəfər
• Orta Doğu Texniki Universiteti (Middle East Technical University) – 1 nəfər
Qeyd edək ki, ümumilikdə, növbəti tədris ilində Dövlət Proqramı çərçivəsində 500 gənc dünyanın nüfuzlu universitetlərində bakalavriat, magistratura və doktorantura səviyyələrində təhsil alacaq.
